रिस्ता

kavi ravinder singh .com

• 81 Posts
• 46 Comments

रिस्ता लादो कोई म्हारा अह्शान होवेगा

जो भी लावे रिश्ता म्हारा भगवान होवेगा…….

कली -1

चाचा ताऊ के मिलके हम भाई सात सै

ब्याह की महारे बिलकुल भीना बनती बात सै

खांण का भी तोडा नहीं ठाडा गात सै

नई बहोड़िया आजा पूरा अरमान होवेगा —-

कली -2

मोल की भी राखलु जो मिले मोल सै

कुनबे वाले करदे बेरी बात गोल सै

ब्याह ना होने देवे म्हारी काट्टे डोल सै

रांडो ने जो हथियार ठालिये मैदान होवेगा ——-

कली -3

बिलकुल भी ना तोडा म्हारे चीज सारी सै

देख लिया पडोसी नै भांजी मारी सै

छोड्डे नहीं बड़ा भाई बरहमचारी सै

जिस दिन फस्ग्या हमें पडोसी उसे ज्ञान होवेगा —–

कली -4

देख देख बाँट गया साल ठारवा

जवानी मै चूर हुआ भाई ग्यारवा

रविंदर चढादे तुही म्हारा कारवां

बस्ते घर मै भांजी मारे बेईमान होवेगा

रविंदर सिंह……………….